غزل

مری تیشہ زنی بیکار نکلی
پسِ دیوار بھی دیوار نکلی
سبب جس کو سمجھتے تھے نمی کا
وہ شبنم بھی شرر آثار نکلی
خریداروں نے جس کو رد کیا تھا
وہی شے حاصلِ بازار نکلی
بڑھا دو گام کیا میں جانبِ صبح
تعاوب میں شبِ آزار نکلی
فرازِ دار تک لے جانے والی
مری ہی جرأتِ اظہار نکلی
مجھے گرداب سے شکوہ تھا ساغر
مگر دشمن مری پتوار نکلی

امان اللہ ساغر

R50/1, Karbala Lane, Matia Burj
Kolkata-700024
Mob: 9883257503
بشکریہ ’’میر بھی ہم بھی‘‘	مرتب: مشتاق دربھنگوی
………………………