* حسنِ زبان و لب ہے صل علیٰ محمدؐ *
نعت
حسنِ زبان و لب ہے صل علیٰ محمدؐ
سرمایۂ ادب ہے صل علیٰ محمدؐ
ثابت یہی ہوا ہے قرآں کی آیتوں سے
عکسِ جمالِ رب ہے صل علیٰ محمدؐ
تخلیق ہے خدا کی ہر شے جہاں کی لیکن
تخلیق کا سبب ہے صل علیٰ محمدؐ
وردِ زباں جو کرلیں غم سے نجات پائیں
وہ مخزنِ طرب ہے صل علیٰ محمدؐ
وجہِ وقارِ عالم ، سامانِ روزِ محشر
میرے لئے تو سب ہے صل علیٰ محمدؐ
جو مانگنا ہو مانگو پوری مراد ہوگی
ایسا درِ طلب ہے صل علیٰ محمدؐ
قرآن در حقیقت ساغرؔ شروع ہی سے
نعتِ شہِ عرب ہے صل علیٰ محمدؐ
امان اللہ ساغر
R50/1, Karbala lane, Matiaburj, Kolkata-700024
Mob: 9883257503
بشکریہ ’’صل علیٰ محمد‘‘ مرتب: مشتاق دربھنگوی
……………………………
|