|
* Ishq me.n jaa.N se guzarte hai.n guzarne vale, *
Ishq me.n jaa.N se guzarte hai.n guzarne vale,
maut kii raah nahii.n dekhte marne vaale ,
aaKhirii vaqt bhii puuraa na kiyaa vaadaa-e-vasl,
aap aate hii rahe mar gaye marne vaale ,
[vaadaa-e-vasl=promise to meet]
uThe aur kuuchaa-e-mahbuub me.n pahu.Nche aashiq,
ye musaafir nahii.n raaste me.n Thahrane vaale ,
[kuuchaa-e-mahbuub=the street where one’s beloved stays]
jaan dene kaa kahaa mai.n ne to ha.Ns kar bole,
tum salaamat raho har roz ke marne vaale ,
aasmaa.N pe jo sitaare nazar aaye ’Ameer’,
yaad aaye mujhe daaGh apne ubharne vaale .
|
|