Banda nawaziyo'n pe Khuda-e-karam tha, 
kerta na mai gunah to gunah-e-azim tha, 
batai'n bhi ki Khuda ne dikhaya jamal bhi, 
wallah kya naseeb janab-e-kalim tha, 
duniya ka hal ahal-e-adam hai ye muKhtasr, 
ik do qadam ka kucha-e-umed-o-bim tha, 
kerta mai dard mand tabibo'n se kya roju ,
jis ne diya tha dard bara woh hakim tha, 
sama-e-ufw kya mai kahoo muKhtasr hai ye, 
banda gunah gar tha Khaliq karim tha 
jis din se mai chaman mai'n hua Khwah-e-gul `Ameer`, 
nam-e-saba kahi na nishan-e-nasim tha.