جو کچھ سوجھتی ہے

٭…………امیر مینائی
    
جو کچھ سوجھتی ہے نئی سوجھتی ہے 
میں روتاہوں، اس کوہنسی سوجھتی ہے
تمہیں حور اے شیخ جی سوجھتی ہے
مجھے رشک حور اک پری پر سوجھتی ہے
یہاں تو میری جان پر بن رہی ہے 
تمہیں جان من دل لگی سوجھتی ہے
جو کہتا ہوں ان سے کہ آنکھیں ملائو 
وہ کہتے ہیں تم کو یہی سوجھتی ہے
یہاں تو ہے آنکھوں میں اندھیر دنیا
وہاں ان کو سرمہ مسی سوجھتی ہے
جو کی میں نے جوبن کی تعریف بولے
تمہیں اپنے مطلب کی ہی سوجھتی ہے
امیر ایسے ویسے تو مضمون ہیں لاکھوں
نئی بات کوئی کبھی سوجھتی ہے