Chaa.Nd ke saath kaii dard puraane nikle,
kitne Gham the jo tere Gham ke bahaane nikale ,

fasle gul aaii phir ik baar asiiraan-e-vafaa,
apne hii Khuun ke dariyaa me.n nahaane nikle ,

[asiiraan-e-vafaa = prisoners of faithfulness]

hijr ki choT ajab sang-shikan hotii hai,
dil kii befaiz zamiino.n se Khazaane nikle ,

[hijr = separation; sang = stone; shikan = wrinkle]

umr guzrii hai shab-e-taar me.n aa.Nkhe.n malte,
kis ufaq se meraa Khurshiid na jaane nikle ,

[shab-e-taar = dark night; ufaq = horizon; Khurshiid = sun]

kuu-e-qaatil me.n chale jaise shahiido.n kaa juluus,
Khvaab yuu.N bhiigtii aa.Nkho.n ko sajaane nikle .