|
* Vaqt jo mere iKhtiyaar me.n thaa, *
Vaqt jo mere iKhtiyaar me.n thaa,
mai.n usii vaqt ke hisaar me.n thaa,
[iKhtiyaar = control; hisaar = hold]
Khii.nch laayaa use bhii maqtal tak,
vo jo ik lutf iqtadaar me.n thaa,
[maqtal = place of killing; lutf = enjoyment]
[iqtadaar = social prestige]
kal huaa qatl shahar jis ke sabab,
husn ab bhii usii singaar me.n thaa,
lauT aa_uu.Ngaa surKh-ruu ho kar,
saaraa lashkar is intezaar me.n thaa.
|
|