غزل

دعائیں یوں تو ہر اک ہستی حباب کرے
تری نگاہِ کرم جس کو انتخاب کرے
فنا کے بعد سنورتی ہے ہستیٔ آدم
یہ عشق اور مجھے اور بھی خراب کرے
کوئی مثال ہے اُس کی تو برملا کہئے
ہر ایک حسن کو جو حسن لاجواب کرے
زمانہ کرتا ہے تائید کچھ میعاد کے بعد
قلم ادیب کا آغازِ انقلاب کرے
حریمِ عشق میں ہے عقل کا مقام کہاں
جنوں تو خار کو بھی ہمسرِ گلاب کرے
بتائو خاک کے پتلے میں یہ انا کیسی
انا تو آدمی کو برسرِ عذاب کرے
انیس میری غزل میں رموزِ ہستی ہے
یہ گفتگو تو کوئی صاحبِ کتاب کرے

انیس عظیم آبادی

4/1, Unt Bagan, Mackenzie Road
Kamarhatti, Kol-58
Mob: 9007510176
بشکریہ ’’میر بھی ہم بھی‘‘	مرتب: مشتاق دربھنگوی
………………………