نعت پاک

آقائے مدینہ شانِ حرم ، محبوب خدا و ختم رسل
ہو صاحبِ قرآں ، رہبرِ دیں ، ایسا دنیا میں کوئی نہیں

پیغامِ اخوت پہنچایا ، مخلوقِ خدا کے سینوں میں
تم سا ہادی اور تم سا امیں ، ایسا دنیا میں کوئی نہیں

ہے یوں کہ بہشتوں کی خوشبو آتی ہے تمہاری سانسوں میں
تم سا گل رو اور تم سا حسیں ، ایسا دنیا میں کوئی نہیں

فیضانِ محبت تم سے ہے ، عرفانِ محبت تم سے ہے
لائے ہو جہاں میں دینِ مبیں ، ایسا دنیا میں کوئی نہیں

ہو شافعِ محشر امّت کے اور ہادی و رہبر خلقت کے
ہو فخرِ زماں ، اے شاہِ زمیں ، ایسا دنیا میں کوئی نہیں

 ڈاکٹر) انیس سلطانہ)

63, Behind Moti Masjid (Bhopal)
Ph: 0755-6522587
Email: amink@yahoo.com
بشکریہ ’’عندلیبانِ طیبہ‘‘ مرتب: مشتاق دربھنگوی
……………………………………