غزل

افسوس خون آنکھ سے دل کا بہا نہیں
رنگین اس لئے ابھی بابِ وفا نہیں
بزمِ جہاں میں خوبرو لاکھوں سہی مگر
میری نظر میں تجھ سا کوئی دوسرا نہیں
میں رو رہا تھا اپنی مصیبت کو سوچ کر
دل نے کہا تو واقفِ صبر و رضا نہیں
بجھنے کو آرزو کا ہر اک دیپ بجھ گیا
امید کا دیا ہے جو اب تک بجھا نہیں
حاصل اسے نہ ہوگی کبھی سربلندیاں
جس کو خیالِ خدمتِ خلقِ خدا نہیں
دریا میں پھوٹ پھوٹ کے کہتا ہے ہر حباب
اک پل کی زندگی ہے کچھ اس کے سوا نہیں
برہم زمیں ہے تجھ سے ، مخالف ہے آسماں
انجم تری زباں پہ کسی کا گلہ نہیں

انجم باروی

I-92, Rameshwarpur Road, Matia Burj
Kolkata- 700024
Mob: 9331238703
بشکریہ ’’میر بھی ہم بھی‘‘	مرتب: مشتاق دربھنگوی
………………………