انور مسعود کے مزاحيہ  قطعات 
------------------------------
انشو رنس ايجنٹ
-----------------
آپ کرائيں ہم سے بيمہ ، چھوڑيں سب انديشوں کو 
اس خدمت ميں سب سے بڑھ کر روشن نام ہمارا ہے 
خاصي دولت ملجاے  گي آپکے بيوي بچوں کو 
آپ تسلي سے مر جاييں ، باقي کام ہمارا ہے 
---------------------------------------------------
ترکي بہ ترکي
--------------
اپني زوجہ سے کہا ايک مولوي نے ، نيک بخت 
تيري تربت پر لکھيں تحرير کس مفہوم کي 
اہليہ بولي عبارت  سب سےموزوں ہے يہي 
"دفن ہے بيوہ يہاں پر مو لوي  مرحوم کي"
---------------------------------------------------
ايک حقيقت 
------------
لطف_ نظاره ہے اے دوست اسي کے دم سے 
يہ نہ ہو پاس تو پھر رونق_ دنيا کيا  ہے 
تيري آنکھيں بھي کہاں مجھ کو دکھائي ديتيں 
ميري عينک کے سوا دنيا ميں رکھا کيا ہے 
------------------------------------------------
کبھي کبھي 
----------
کبھي لا شعور کي رو چلي ہے تو حرکتيں بھي عجب ہوئيں 
کبھي يوں بھي ہم نے ملا ديا ہےاساتذہ کے کلام کو 
" جو ميں سر بہ سجدہ ہوا کبھي تو زميں سے آنے لگي صدا"
"کبھي ہم بھي تم بھي تھے آشنا ، تمھيں ياد ہو کہ نہ ياد ہو"
-----------------------------------------------------------
اے بسا آرزو 
-------------
روک ديتے ہيں اچانک مرے  حالات مجھے 
ميري خواہش کبھي ہوتي بھي ہے  پوري کوئي
خو د کشي کرنے    کا جس روز تہيہ  کر لوں 
کام پڑ جاتا ہے اس روز ضروري کوئي
------------------------------------------------------