Duniya to hai ae mere khoda ! bhool bhoolaiya'n
Pur lutf agarche hai saza bhool bhoolaiya'n

Samjhoo'n mai'n ise kaise koii mujh ko bataye
Zalim ki to har aik ada bhool bhoolaiya'n

Rahzan se to umeed sila aik hemaqat
Hai us ke liye lafz-e-jaza bhool bhoolaiya'n

Khush rahne ka ik heela sahi un se tawaqqa
Jeene ka bahana hai barha bhool bhoolaiya'n

Sad shukr maza us ke taaqub me'n tha "Anwar"
Woh mere liye ban ke raha bhool bhulaiya'n

			P.O. Box. No. 918, Cardiff,
			F-24 4YP  (U.K)