Nahi'n ke Alam-e-asbab me'n nahi'n dekha
Qarar ham ne kabhi khawab me'n nahi'n dekha

Kanwal ka phool tasaweer me'n to dekha hai
Khila hua kisi talaab me'n nahi'n dekha

Tumhari shakal me'n jaisa jamal hai aisa
Gul-e-shagufta wa shadab me'n nahi'n dekha

Unhe'n ghoroor ka ilzam dene walo'n ne
Kabhi aqarib-o-ahbab me'n nahi'n dekha

"Shaoor" ne jo asar sadgi me'n dekha hai
Takallufat me'n, aadab me'n nahi'n dekha

			A-24/31, Crecent Complex, Block-11,
			Gulshan-e-Iqbal, Karachi (Pakistan)