نعت پاک

ارض و سما میں ہرسو جلوہ نما محمدؐ
شانِ خدا محمدؐ ، نورِ خدا محمدؐ

کانوں میں پے بہ پے یہ آواز آرہی ہے
خیر البشر محمدؐ ، خیر الوریٰؐ محمدؐ

کس حسن کے ہیں جلوے دن رات کے اجالے
شمس الضحیٰ محمدؐ ، بدر الدجیٰ محمدؐ

راحت فزا ہجومِ غم میں ہے نام ان کا
دار الاماں محمدؐ ، دار الشفا محمدؐ

عرفانِ زندگی کو ، فیضانِ زندگی کو
جود و سخا محمدؐ ، لطف و عطا محمدؐ

وہ رشکِ انبیاء ہیں ، وہ فخرِ اولیاء ہیں
شمعِ ہدا محمدؐ ، نورِ صفا محمدؐ

اک ورد ہے زباں پر ، دن رات بس یہ عرشی
صلِ علیٰ محمدؐ ، صلِ علیٰ محمدؐ

عروسہ عرشی

47-B, Alimuddin Street, Kolkata-700016
Mob: 8820482344
Email: uroosaarshi@gmail.com
بشکریہ ’’عندلیبانِ طیبہ‘‘ مرتب: مشتاق دربھنگوی
……………………………………