Kitne sachche kitne gahre rishte ha'n
Mai'n aur dukh dono ik maa'n ke bete hai'n

Chirhya'n ki be chaini zahir karti hai 
Waham ke kale naag bhi ghar me'n rahte hai

Raat ke pichhle pahar kahi sannate me'n 
Chhan chhan teri yaad ke ghungru bajte hai'n

Sach ko aksar galio'n me'n yu'n dekha hai
Bachche isko pagal pagal kahte hai'n

Ham ne jo taswir muhabbat kichi'n thi'n
Is me'n wirani ke manzar ubhare hai'n

Shahro'n me'n to mahro wafa ki qillat hai
"Asad" chalo ab waps gao'n ko chalte hai'n

P.O.Box No.8755,
Jeddah-21492 (Saudi Arabia)