* Ye ishq ne dekhaa hai ye aql se pinhaa’n hai *
Ye ishq ne dekhaa hai ye aql se pinhaa’n hai
qatre mei’n samandar hai zarre mei’n bayaabaa’n hai
ai paikar-e-mahabuubii mai’n kis se tujhe dekhuu’n
jis ne tujhe dekhaa hai vo diidaa-e-hairaa’n hai
sau baar teraa daaman haatho’n mei’n mere aayaa
jab aa.Nkh khulii dekhaa apanaa hii girebaa’n hai
ye husn kii maujei’n hai’n yaa josh-e-tamannaa hai
us shokh ke hontho’n par ik barq sii larazaa’n hai
'Asghar' se mile lekin 'Asghar' ko nahii dekhaa
ashaar mei’n sunate hai’n kuchh kuchh vo numaayaa’n hai
|