|
* Jo kuch hoo'n, woh nahi hoo'n mai'n *
Jo kuch hoo'n, woh nahi hoo'n mai'n
Jo bhi hoo'n woh kaha'n hoo'n mai'n?
Woh jo hona tha, woh nahi'n hua
Jo na hona tha, wahi kiyo'n hua?
Jo kuch nahi'n wahi sab kuch yaha'n
Jo kahi'n nahi'n wahi her taraf
Aye waqt ke chara gar, bata
Yeh kiyo'n hua?
Woh kiyo'n na hua?
Yeh hua to uska sabab hai kaya?
Woh jo na hua to raz hai kaya?
Woh jo kuch nahi'n to kiyo'n nahi'n?
Yeh kuch hai to uska jawaz kaya?
Yeh zaban ka mubhum sawal kiyo'n hai?
Khabar se uljha sawal kiyo'n hai?
Jawab us ka muhaal kiyon hai?
Muhaal hai to malaal kiyo'n hai?
Sawal ab bhi sawal kiyon' hai?
Yeh haraf haraf ka zawaal kiyo'n hai? |
|