Yahaa.n se ab kahii.n le chal Khayaal-e-yaar mujhe
chaman me raas na aayegii ye bahaar mujhe
terii latiif nigaaho.n kii Khaas jumbish ne
banaa diyaa terii fitarat kaa raazadaar mujhe
merii hayaat kaa anjaam aur kuchh hotaa
jo aap kahate kabhii apanaa jaan-nisaar mujhe
badal diyaa hai nigaaho.n ne rukh zamaane kaa
kabhii rahaa hai zamaane pe ikhtiyaar mujhe
ye haadsaat jo hai.n iztaraab kaa paighaam
ye haadsaat hii aaye.nge saazgaar mujhe
Aziz ahal-e-chaman kii shikayat besud
fareb de gaii rangiinii-e-bahaar mujhe