غزل
٭………بہادر شاہ ظفر

نہیں عشق میں اس کا تو رنج ہمیں کہ قرار و شکیب ذرا نہ رہا
غمِ عشق تو اپنا رہا، کوئی اور بلا سے رہا نہ رہا
دیا اپنی خودی کو جو ہم نے مٹا، وہ جو پردہ سا بیچ میں تھا نہ رہا
پردے میں اب نہ وہ پردہ نشیں، کوئی دوسرا اس کے سوا نہ رہا
نہ تھی حال کی جب ہمیں اپنے خبر، رہے دیکھتے اوروں کے عیب وہنر
پڑی اپنی برائیوں پر جو نظر تو نگاہ میں کوئی بُرا نہ رہا
 ہمیں ساغر و بادہ کے دینے میں اب کرے دیر جو ساقی تو ہائے غضب
کہ یہ عہدِ نشاط یہ دورِ طرب رہے گا جہاں میں سدا نہ رہا
******