* Jamal-e-zaat ka charcha haseen lagta hai *
Jamal-e-zaat ka charcha haseen lagta hai
Sabhi ko apna qaseeda haseen lagta hai
Tere badan pe to khushboo ke deep jalte hai'n
Tere badan ka ujala ajeeb lagta hai
Tamam dukh ko samete huye woh ha'nste hai'n
Yahi to un ka rawayya haseen lagta hai
Jo jazba mohre lab ho nahi'n koii jazba
Jo bolne lage jazba haseen lagta hai
Khuloos ho to zaroorat nahi'n sanwarne ki
Baghair ghaaze ke chehra haseen lagta hai
"Baqa" yeh qadr-e-zamana ko ho gaya hai keya
Manafqat hi me'n bandah haseen lagta hai
9/972, Dastgeer Society, Federal 'B' Area
Karachi-75950 (Pakistan)
|