* In aaNkhoN se din raat barsaat hogii *
In aaNkhoN se din raat barsaat hogii
agar zindagii sarf-e-jazbaat hogii
musaafir ho tum bhii, musaafar haiN ham bhii
kisii moD par phir mulaaqaat hogii
sadaaoN ko alfaaz milne na paayeN
na baadal ghireNge na barsaat hogii
chiraaGoN ko aaNkhoN meN mahfuuz rakhnaa
baDii duur tak raat hii raat hogii
azal taa abd tak safar hii safar hai
kahiiN subah hogii kahiiN raat hogii |