* اک رانجھا مینوں لوڑی دا *
اک رانجھا مینوں لوڑی دا
کن فیکون اگے دیاں لگیاں
نیوں نہ لگڑا چوری دا
اک رانجھا مینوں لوڑی دا
آپ چھڑ جاندا نال مجھیں دے
سانوں کیوں بیلیوں ہوڑی دا
اک رانجھا مینوں لوڑی دا
رانجھے جیہا مینوں ہور نہ کوئی
منتاں کر کر موڑی دا
اک رانجھا مینوں لوڑی دا
سانولیاں دے نین سلونے
سوہا دوپٹہ گوری دا
اک رانجھا مینوں لوڑی دا
احد احمد وچ فر ق نہ بلھیا
اک رتی بھید مروڑی دا
اک رانجھا مینوں لوڑی دا
بُلھے شاہ
|