Dastuur ibaadat kaa duniyaa se niraalaa ho,
ik haath me.n maalaa ho ik haath me.n pyaalaa ho,

puuje.nge saliiqe se andaaz magar apnaa ,
ho yaad-e-Khudaa dil me.n saaqii ne sambhaalaa ho ,

mastii bhii taqaddus bhii ek saath chale dono.n ,
ik simt ho maiKhaanaa ik simt shivaalaa ho ,

masjid kii taraf se tuu jaanaa na kabhii saaqii ,
zaahid bhii kabhii teraa na chaahane vaalaa ho ,

vo Duub ke mar jaaye.n madiraa kii suraahii me.n,
maashuuq ne gar dil kii mahfil se nikaalaa ho.