غزل

کچھ دن سے جانے کیا ہوا مس کال بھی نہیں
دھڑکن میں مرے قلب کے سُرتال بھی نہیں

اک گم شدہ سی داستاں سننے میں بے اثر
دیوار دل پہ اب کوئی احوال بھی نہیں

وہ جی رہا ہے شوق سے شکوہ کئے بغیر
اب پتھروں کے شہر میں بدحال بھی نہیں

ہونٹوں پہ خود ستائی کے الفاظ رہ گئے
زرین سے حسین سے اقوال بھی نہیں

ہم دل کی سلطنت کو لٹا بھی نہیں سکے
افسوس تیرے ہاتھ میں اک چال بھی نہیں

یہ کس جگہ پہ چھوڑ کے جانے لگی حیات
آنکھوں میں مہر و ماہ کی اشکال بھی نہیں

آگے بڑھیں تو دھوپ کے جلتے ہوئے نشاں
خوش رنگ تتلیوں کا کوئی کال بھی نہیں

یوں حو صلے نے زیست کو رکھا ہے سر بلند
مسعود حادثات سے پامال بھی نہیں

ڈاکٹر مسعود جعفری 

Prof. Usmania University
Hyderabad (INDIA)
Email: masoodjafri47@gmail.com
Mob: 9949574641
بشکریہ: مشتاق دربھنگوی
……………………………