Kahan shor-e-hawa zinda rahega 

Charaghe karbala zinda rahega 



Faqat zinda rahega deen-e-Ahmad 

Ba faize karbala zinda rahega 



Jahan tak Ya Ali kehte rahoge 

Wahin tak haunsla zinda rahega 



Badan mitti main mil jayega lekin 

Mera ashk-e-aza zinda rahega 



Jo mar jaye rahe ishq-e-Alil main 

Baqaule Mustafa zinda rahega 



Ali kehte hain zinda hain Mohammad 

Ali ka faisla zinda rahega 



Ye rona zindgi ki hai alamat 

Sada ye silsila chalta rahega 



Koi bachcha agar waqt-e-wiladat 

Nahi roye to kya zinda rahega


Azal ho ya abadhazir k ghayab

Ali ka silsila chalta rahega


"Naseem" is marne wale ki jabin par 

Malo khak-e-shafa zinda rahega.