Meri zindgi ki kitab main koi naam hai to Ali ka hai

Mujhe jaanta hai ye kul jahan k ghulam hai to Ali ka hai

Ye fasahatein,ye balaghatein,ye isharatein,ye ibaratein

Koi ayaton ko ye keh na de ye kalaam hai to Ali ka hai

Koi teer tha jo nikal gaya,woh zakat thi jo nikal di

Ye namaz hai to Ali ki hai,ye salam hai to Ali ka hai

Koi guftgu koho darmian,k Rasool hain sarelamakan

yahan qudsiyon ki majal kya,yahan kaam hai to Ali ka hai

Kabhi dekho baab-e-qubul main,kabhi jhanko bazme Rasool main

Koi baat hai to Ali ki hai,koi naam hai to Ali ka hai

Wo sitara dar pe utar gaya,wahan aftab palat gaya

wahi raat aur wahi din raha,ye nizam hai to Ali ka hai

Main dar-e-Ali ka faqeer hun,main "Naseem" rind-e-ghadeer hun

Mere lab pe ab koi tazkera,sare aam hai to Ali ka hai.