* Yaqinan us ka nasab Fatima se milta hai *
Yaqinan us ka nasab Fatima se milta hai
Wo ek charagh jo hans kar hawa se milta hai
Wo sar hatheli pe rakh kar qaza se milta hai
Ali ka khoon hai Ali ki ada se milta hai
Dikha rahe hain farishton ko rotian jibril
Hamein to rizq dar-e-fatima se milta hai
Udhar khuda ne bhi ki hai Ali k lahje mein baat
Idhar Ali ka bhi lehja khuda se milta hai
Ye shahrahe wilayat rah-e-shahadat hai
Ghadeer-e-khum ka pata karbala se chalta hai
Mujhe Ali ki shafa'at ka hai yaqin aye "naseem"
Yaqin bhi wo jo had-e-inteha se milta hai.
|