Teri rahmat ki tughyani ya allah

Mere daman ki arzani ya allah

Teri qudrat ki hai nishani ya allah

Bin badal ke barse pani ya allah

Sasta khoon hai manhga pani ya allah

Har su bas hai eik kahani ya allah

Gham ki kaii mere dil par ab to nahi

Phir bhi dil mein hai weerani ya allah

Paon pasare ghurbat mere ghar maujood

Har pal uski hai manmani ya allah

Is duniya ka kya hoga bas teri marzi

Har shay fani tu lafani ya allah

Ghurbat mere khana-e-dil ki mehma.n hai

Fir bhi mujhko kyun hayrani ya allah

Patthar ke andar kiide ko deta rizq

Teri rahmat ki tabani ya allah

Bar-e-gunah se sar hai khamidah dil larza.n

Zaya ko de noor-e- iimani ya allah

****************