Aankho.n me ajnabiyat anqa huwa hai paani
Chehre se dosto.n ke utra huwa hai paani
Darya-e beyaqee.n to purjosh hai magar ab
Zauq-e-amee.n ka partaw sahma huwa hai paani
De de tu chand qatrah yarab mujhe ghanimat
Kooye yaqeen taiba chhalka huwa hai paani
Zalim ko de hidayat wo zulm karna chhode
Mazloom ke saro.n se ooncha huwa hai paani
Aslaf ki amanat kab tak sanmbhale rakhoon
Tahzeeb nao ka harsoo badla huwa hai paani
Kab tak chadaye rakhe kankar ko degchi mein
Sabr-e-yaqeen madar ubla huwa hai paani
Ejaz bin zia bhi pyasa pada huwa hai
Ehsase tishnagi ka khaula huwa hai paani
***********************