Gham ka suraj sar par raushan harsu aag ka darya sa

Tapti dhoop mein daud raha hai aj bashar tanha tanha

Apne dil ke darwaze ka qabza zang aalood

Zor lagaya hamne shayad dekho cheekh pada

Apne dil ka chhappar chhappar jane kyun bezar

Tip tip karta ashk bahaye aur kahe bhi kya

Wo to khud besatr hai phir bhi dekhe sabki or

Sab ka jism burahna yaro kiska kiska kare bhala

Paon pasare ghurbat mere ghar mein hai maujood

Faqah kash Ejaz ke ghar ab mehma.n bhej khuda

********************