Waqt ki dahleez par hai zindagi simti huyi
Har kisi chehre ki hai ab chashni bigdi huyi
Har shajar ka apna apna jane kyun kar hai mizaj
Shakh se hr shakh ki duri hai ab badhti huyi
Bant-te the qahqahe jo log woh ruposh hain
Ab zamane ki rawish mein hai hasi ghat-ti huyi
Kab na jane gher le.n akar darinde be khatar
Har kisi ladki ki hai tanhayi ab simti huyi
Qatra qatra jal raha zaitoon ka abke shajar
Phir kabutar ki nada aye na kyun sahmi huyi
Kal gali mein eik bachha rat bhar rota raha
Puri basti thi tahajjud mein faqat lipti huyi
Mar gaya thabhook se bewa ka ek bachha magar
Jashn mein thi char soo har shay wahan bikhri huyi
Rok le akar koi is bemurawwat waqt ko
Kis tarah duniya chalegi is tarah ghutti huyi
Roz-o-shab ke silsile mein yun to rahta hai tazad
Admi ki admiyat hai zaya bikhri huyi
*******************