Iradah hai faqat hirs-o-hawa ka

Use to zom hai apni wafa ka

Main saabit kaise karta begunahi

Mujhe kab ilm tha uski dagha ka

Mere hone na hone ka sila hai

Yahi to raz hai lekin wafa ka

Hisare kun me thi tazyeen duniya

Bahana tha ye adam ki khata ka

Utha kar rakh do ab teer-o-kama.n ko

Taqaza hai yahi sabro raza ka

Gaderi ka iradah neik hi tha

Use kab ilm tha apni khata ka

Jise ejaz irfan-e- yaqeen hai

Wahi bas khas bandah hai khuda ka

*************************