Aankhe.n talash karti hain bebak aarzoo
Bikhri huyi hai charo.n taraf khak-e-aarzoo
Woh le gaye hain tan se hamara sar-e-hazee.n
Achha huwa ye bojh tha bebak-e-aarzoo
Kashkol aarzoo meri bhar jati bilyaqee.n
Izhar muddaa mein thi namnak-e-aarzoo
Itna sanbhal sanbhal ke main rakhta hoon paaon
Udne na di kahi.n bhi kabhi khake-e-aarzoo
Dil mein hamare mauje tamanna thi mojzan
Aanko.n mein tairti thi hawasnak-e-aarzoo
Kasa badast baitha hai har shakhs aye Zia
Kaise bachaye.n daulat-e-idrak-e-aarzoo
*******************