Tumharay dar pe sada kham jo sar ko kartay thay
Malayeka bhi to sajday bashar ko kartay thay

Ye mas'ala tha hamaiN ehd-e-tark-e-ishq ke waqt
Jo ehd kartay thay, ham umr bhar ko kartay thay

Gaye thay dasht maiN, phir bhi na haaye hosh gaya
Ke jangaloN maiN bhi ham yaad ghar ko kartay thay

Khud apni aaNkh se pehchaan na sakay khud ko
So roz yaad tumhari nazar ko kartay thay

Khabar jo milti ke iska sira nahiN hai koyee
To muntakhib ham usi rehguzar ko kartay thay

Jo bai-hisaab hai, usko hisaab do to sahi
Bohot shumaar to tum khair-o-shar ko kartay thay

Girati rehti thi har roz waqt ki aandhi
Saraab sayebaaN jis jis shajar ko kartay thay
******