* حصارِ ذات سے نکلوں تو کچھ کہوں میں *
غزل
حصارِ ذات سے نکلوں تو کچھ کہوں میں بھی
جو کائنات سے نکلوں تو کچھ کہوں میں بھی
ہے وحشتوں کا بھی اِک سلسلہ عجیب و غریب
غموں کی گھات سے نکلوں تو کچھ کہوں میں بھی
ٹھہر گئی ہے اُنہی ساحلوں پہ موجِ خیال
تمہاری بات سے نکلوں تو کچھ کہوں میں بھی
ابھی تلاش میں ہوں روشنی کے سایوں کی
اندھیری رات سے نکلوں تو کچھ کہوں میں بھی
میں گُفتگو میں مگن ہوں خود اپنی ذات کے ساتھ
اِس اتفات سے نکلوں تو کچھ کہوں میں بھی
وہ تشنگی ہے کہ بنجر سا ہو گیا ہے وجود
لبِ فرات سے نکلوں تو کچھ کہوں میں بھی
بساطِ جاں پہ جو ہاری تو کچھ بچا ہی نہیں
گزشتہ مات سے نکلوں تو کچھ کہوں میں بھی
فرح اقبال
6426 Box Bluff CT
Sugar Land TX 77479
M: 001-832-859-5094
rainbowonsky@hotmail.com
بہ شکریہ جانِ غزل مرتب مشتاق دربھنگوی
+++
|