غزل

وہ میرے بارے میں ایسے بھی سوچتا کب تھا
اگر میں عکس نہیں تھی وہ آئینہ کب تھا

جو جوڑ دیتا تعلق کے سب روابط کو
ہمارے بیچ کوئی ایسا سلسلہ کب تھا

وہ زینہ زینہ مرے دل میں یوں اترتا گیا
میں روک پاتی اُسے مجھ میں حوصلہ کب تھا

وہ خوش گمان بہت تھا کہ میں ہوں اُس کی مگر
یہ آرزو تھی فقط میرا فیصلہ کب تھا

وہ میرے ضبط کو ہر آن آزماتا رہا
میں سنگ زاد ہوں اُس کو مگر پتہ کب تھا

سنا نہیں جو کہا تھا تو کیسے سمجھاتے
جو اُس نے سمجھا تھا میرا وہ مدعا کب تھا

بہار بن کے وہ ملنے تو آگیا تھا مجھے
ٹھہر بھی جائے گا اُس کا یہ فیصلہ کب تھا

فرح اقبال

6426 Box Bluff CT
Sugar Land TX 77479
M: 001-832-859-5094
rainbowonsky@hotmail.com
بہ شکریہ جانِ غزل مرتب مشتاق دربھنگوی
+++