* rakh lo badoN ki apne viraasat saNbhaalkar *
rakh lo badoN ki apne viraasat saNbhaalkar
kab tak phiroge tauq...ghulaami ke Daalkar
zaalim wo bhi kasaab se hargiz nahi hai kam
kab tak rakhoge phaaNsi..ko afzal ki taal kar
karleNge jo iraada to.............palteNge na kabhi
is Dar ko dil me rakhna hai dushman ke Daalkar
aandaaz chaahte ho yahaN mukhtalif rahe
barbaadiyoN pe apne kabhi tu dhamaal kar
sauda qadam qadam pa kare ho anaa ka jab
khuddaari ka ye cholaa to phainko nikaal kar
jiska jawaab dena munaasib na tujhko ho
bekaar koyi mujh se na phir tu sawaal kar
ye daur hai naya to naachkar karoge kya?
kya faaidaa samaaj ki...pagdi uchhaal kar
mehfil me husn aane pa...girti haiN bijliyaN
vaaraftagi ko dil me tu rakhna saNbhaalkar
jaane kahiN bhi baitha ho dushman wo mulk ka
rakhdeNge saari duniya ko Farhat! khaNgaal kar
***** |