حمد

اُسی کے خانہؐ قدرت سے یہ جہاں تصویر
وہی عناصر و انفس کا کاتبِ تقدیر

وہ بے نیاز و صمد مالکِ علیم و خبیر
تمام ثابت و سیار اُس کے ہیں نخچیر

وہ کردے جاہلِ مطلق کو صاحبِ تحریر
وہ بے نوا کو بناتا ہے لائقِ تقریر

وہ چاہے سر پہ جسے سایۂ ھما کردے
غریقِ بحرِ تحیر ہوں بادشاہ و فقیر

عطائے رب پہ ہے خامہ تہِ دہن ششدر
کہ اُس کے آگے ہے سجدے میں چرخ کی توقیر

خرد سمجھ نہیں پائی عطا مشیت کی
پرے ہے عقل سے منطق ذرا نظامِ قدیر

وہ حرفِ کن سے بناتا ہے خاک و آتش و آب
وہ چوبِ خشک کو فرحت عطا کرے انجیر

فرحت مشتاق

G40, Bangla Basti, Garden Reach
Kolkata-700024
Mob: 8981560304 / 9062126088
بشکریہ ’’غزالانِ حرم‘‘ مرتب: مشتاق دربھنگوی
……………………………………