غزل

دلوں کو ملانے کے دن آرہے ہیں
چمن کو سجانے کے دن آرہے ہیں

کہیں بھول جائوں نہ خود کو خوشی میں
ترے پاس آنے کے دن آرہے ہیں

کھنکنے لگے ہیں یہ کنگن بھی اب تو
کہ سجنے سجانے کے دن آرہے ہیں

دُعائوں نے میری یہ رنگ اب دکھایا
کہ مہندی رچانے کے دن آرہے ہیں

نظر آئے ہر سو مجھے تیرا چہرہ
غزل گنگنانے کے دن آرہے ہیں

چٹکنے لگے فاطمہ آج گل بھی
وفا آزمانے کے دن آرہے ہیں

فاطمہ سحر حمید

R-191, Block-16
Fedral B Area
Gulberg Town
Karachi-75950
(Pakistan)
M: 00923229233555
fatima.asad@hotmail.com
بہ شکریہ جانِ غزل مرتب مشتاق دربھنگوی
+++