* جلی جو دلہن خبر تماشا *
٭٭٭٭ غزل ٭٭٭٭
جلی جو دلہن خبر تماشا
کہ شب تھی ظالم سحر تماشا
کھڑے ہیں در پر ازل سے پیاسے
پلا بھی ساقی نہ کر تماشا
نگاہ پلٹی عطا کی جب سے
دعا کی زد پر اثر تماشا
کہاں پہ قسمت ٹھہر گئ ہے
طیور حیراں شجر تماشا
نظر چُرا اب نہ تُو نظر سے
جدھر سبب ہے اُدھر تماشا
زمیں کو امبر جو کھیل سمجھا
رُلا ہی دے گا مگر تماشا
ہوا کی سازش رچی ہوئ ہے
کدھر چلی ہے کدھر تماشا
نوید ہے اب سحر کی اخترؔ
تجھے گوارہ اگر تماشا
**********************
( ؔ فوزیہ اختر)
**********************
jali jo dulhan khabar tamasha
keh shab thee zaalim sahar tamasha
khadei'n hai'n dar par azal se pyaase
pila bhi saaqi na kar tamaasha
nigaah palti ataa ki jab se
duaa ki zadd per asar tamasha
kaha'n pe qismat thehr gayi hai
tayoor hairaa'n shajar tamasha
nazar chura ab na too nazar se
jidhar sabab hai udhar tamasha
zamee'n ko ambar jo khel samjha
rula hee dey ga magar tamasha
hawa ki saazish rachi hui hai
kidhar chali hai kidhar tamasha
nawed hai ab sahar ki Akhter
tujhe gawaara agar tamasha
***************************
|