Hawa chal rahi hai 
hawa saahilon ki taraf chal rahi hai 
samandar ki leharon peh urrtey parindey 
kahan jaa rahey hein 
ham apni urraanein agar yaad rakkhtey 
to urr kar parindon sey yeh pooch laitey 
kahan jaa rahey ho... 
hamhein chhorr kar tum kahan jaa rahey ho 
parindo tumhaari urraanein salaamat 
hamhein bhi samandar peh urrna sikkha do 
sikkha do hamhein bhi 
yeh chhotti barrii aarrhii tirchhii urraanein 
sikkha do hamhein zindagii ki zubaanein 
jo tum boltey ho 
ham apni zubaan mein bohat bey zubaan hein 
ham apney jahaan sey bohat badgumaan hein 
parindo...tum aazad ho, ham kahaan hein...