* kisi ki aankh mein hey kajiloN ki tanhaee *
kisi ki aankh mein hey kajiloN ki tanhaee
sulag rahi hey kaheeN aanchaloN ki tanhaee
meiN khush khayal osey barkha ki rut samajh baitha
baras rahi thi kaheiN baadaloN ki tanhaee
hamharey shehr ki ronaq naheeN woh pehley si
keh aa basi hey yahaN jungaloN ki tanhaee
yaheiN parhi huwi mil jaye gi kaheiN nah kaheiN
kisi key sath meiN guzrey paloN ki tanhaee
meiN os key khaima e khush khawab sey nikal aaya
bichhi huwi thi wahaN makhmaloN ki tanhaee
Fazil Jamili
|