kahaN gayeiN teri aankheiN
kahaN gaye heiN wo lub
kaheiN naheeN heiN woh shaaney
meiN jin pe sar rakh kar
zara see dair ko so looN
sakoon se so looN
na terey haath ki garmee
na baat ki narmee
koi naheiN hey merey saath
meiN akaila huN
bas ik khyaal hey
shayed ke tum chali aao
na aa sako to na aaney ki mail he bhaijo
agar hey dair zara si to koi baat naheiN
meiN apney aap ko masroof e kaar kar looN ga
gharhi ke saath ruki jaa rahi hey dharhkan bhi
magar meiN phir bhi tera intezaar kar looN ga..!
Fazil Jamili