Merey hontoN pe terey naam ki larzish tau nahien 
Yeh jau aankhoN mein chamak ha koi khawish tau nahien
 
Rung malboos huye , lams huii ha khushbu
Aaj phir shaher mein phooloN ki namayish tau nahien
 
Aik he saans mein duhraye chaley jaatey hein
Yeh mohabbat kahein alfaaz ki warzish tau nahien
 
Dekhta rehta hun chup chaap guzartey baadal
Yeh ta'aluq bhi koi dhoop ki baarish tau nahien
 
Tum kabhi aik nazar meri taraf bhi dekhau
Ik tawaquh he tau ha , koi guzaarish tau nahien
 
Mil bhi jayein kahein aankheiN tau murawwat na karein
Ham mein aisi koi talkhii , koi ranjish tau nahien....!!!
 
Fazil Jamili