* بنام مندر و مسجد عجب لڑائی ہے *
غزل
(فراق جلال پوری (امبیڈکر نگر
بنام مندر و مسجد عجب لڑائی ہے
یہ آگ کس نے مرے شہر میں لگائی ہے
یہ جنگ کیسی قیامت کی جنگ ہے مالک
چہار سمت نشانے پہ میرا بھائی ہے
سوال یہ ہے کہ مجرم کسے کہا جائے
جواب یہ ہے کہ اپنوں ہی میں برائی ہے
تمام رات کیا ہے ہوائوں نے پتھرائو
تمام رات فضائوں نے چوٹ کھائی ہے
یہ آندھی دل کی طرف بھی قدم بڑھائے گی
ابھی تو گھر کی ہی دیوار اس نے ڈھائی ہے
Jalalpur, Qazipura, Ambedkar Nagar-224149 (U.P)
|