Maslak -e- jabr woh apnaate hue
Hum baGhaavat pe tule jaate hue
Apni bebaak muhabbat ki wajah
Ek mulaqaat thi, ghabraate hue
Dekhte rahte hain hum hijr naseeb
Saa’at E wasl guzar jate hue
Husn-e-afsurda ki taazim me sab
phool paaye gaye murjhate hue
Kya mere baa’d bhi koi aaya
Dar E maqtal pe ghazal gaate hue
Sar E baazaar tamaashaayi sab
Jaan se aik bashar jaate hue
Humne us k liye kuchh she’r likhe
Dil e babas pe taras khate hue
Rooh ko hogaye battiis baras
Habs E be-ja ki sazaa paate hue
**********