Gham hai ya izteraar sa kuch hai
Yaa mujhe intezaar sa kuchh hai
Be sabab aur kaun bhatke ga??
Dil hai,  aur be qaraar sa kuch hai
Jab bhi chaahuN udaas hojauN!
Khud pe ab ikhteyaar sa kuch hai
Zindagi itni badnumaa to nahi!!
Aayeene pe ghubaar sa kuch hai
Ab gumaN ho raha hai manzil ka
Saamne reg zaar sa kuch hai
Hauslon ko abhi pata na chale
Raste me hisaar sa kuch hai !
Mere andar ki rut khezaN jaisii
Wo sarapa bahaar sa kuchh hai
***