mire mudda.ā-e-ulfat kā payām ban ke aa.ī 

tirī zulf kī siyāhī mirī shaam ban ke aa.ī 

huī kāshif-e-haqīqat ye zamīr-e-mai-kada kī 

mirī be-ḳhudī jo durd-e-tah-e-jām ban ke aa.ī 

tirī ik adā thī ye bhī gul-o-ḳhār ko jagāne 

jo nasīm-e-sub.h-gāhī kā ḳhirām ban ke aa.ī 

ye sabā kī be-ruḳhī thī sū-e-āshiyāñ jo guzrī 

na salām le ke aa.ī na payām ban ke aa.ī 

mire ġham-kade meñ phūTī jo shuā dāġh-e-dil se 

vahī ik charāġh-e-tāq-e-sar-e-shām ban ke aa.ī 

sar-e-tūr jis kī juuyā thī nigāh-e-chashm-e-mūsā 

vahī ik jhalak faroġh-e-lab-e-bām ban ke aa.ī 

ruḳh-o-zulf kī tamannā mire dil ko muzhda-bādā 

mirī sub.h ban ke aa.ī mirī shaam ban ke aa.ī 

hai bahut muhāl is kā jo 'ġhubār' mā-badal ho 

mirī tīrgī-e-qismat mirī shaam ban ke aa.ī 

*************