غزل

کبھی اس عہد کی تاریخ تم اگر لکھنا
ہمارا حال کھنڈر ہے اسے کھنڈر لکھنا
ہمارے ماضی کو لکھا گیا ہے تاج محل
ہمارے حال کو اب دوستو کھنڈر لکھنا
مشینی دور ہے اس میں فراغتیں کم ہیں
کوئی بھی داستاں لکھنا تو مختصر لکھنا
ہنوز جھوٹ کو سچ اور سچ کو جھوٹ لکھو
زمانہ خود ہی سکھا دے گا بے خطر لکھنا
زمیں زمین کی بھاشا کہاں سمجھتی ہے
زبانِ آہ میں تم آسمان پر لکھنا
یہی بہت ہے کہ محفوظ ذہن و دل میں رہے
عبث ہے نام مرا سطحِ آب پر لکھنا
غلام کام بڑا سخت ہے خدا شاہد
جو باخبر ہو اُسے تم بھی باخبر لکھنا

غلام بغدادی

83/E/1B/H/16, Belgachhia Road
Kolkata-700037
Mob: 9330101016
بشکریہ ’’میر بھی ہم بھی‘‘	مرتب: مشتاق دربھنگوی
………………………