* ہر موڑ کو چراغ سرِ رہ گزر کہو *
ہر موڑ کو چراغ سرِ رہ گزر کہو
بیتے ہوئے دنوں کو غبارِ سفر کہو
خوں گشتہ آرزو کہو شام میکدہ
دل کی جراحتوں کو چمن کی سحر کہو
غم ہائے روز گار کا کچھ احترام بھی
چھلکے جو کوئی جام اسے چشم تر کہو
ہر رہ گزر پہ کرتا ہوں زنجیر کا قیاس
چاہو تو تم اسے بھی جنوں کا اثر کہو
میری متاع در دیہی زندگی تو ہے
نا معتبر کہو کہ اسے معتبر کہو
دانشوران حال کا تاباں ہے مشورہ
ہر منظر جہاں کو فریب نظر کہو
************************** |